Nalab-ot sang South Cotabato ang target sini nga 95% sa 3rd round sang Sabayang Patak Kontra Polio nga ginpatigayon sang Pebrero 17 tubtob Marso 1 subong nga tuig.
Base sa datos sang Integrated Provincial Health Office nagalab-ot sa 101,126 ka mga kabataan edad 0- 59 ka bulan ukon 95.95% ang nahatagan sang bivalent Types 1 and 3 oral polio vaccine (OPV).
Apat naman ka mga local government units sa probinsya nga nalab-ot ang 100% sa target population nila nga ginalakipan sang Lake Sebu (11,039-101%), Norala (5,913-101%), Banga (10,533-100%) kag Tupi (8,981-100%).
Samtang ang iban nga LGU`s kapareho sang City of Koronadal nakahatag sang polio vaccine sa mga kabataan edad 0-59 ka bulan ang nagalab-ot sa (20,848-95%), Polomolok (6,919-88%), Sto. Nino (5,106-99%), Surallah (10,483-99%), Tampakan (4,382-88%), Tantangan (4,740-87%), T,boli (11,382-99%).
Nahibaluan nga ang target nga mga kabataan 0-59-anyos nga mahatagan sang bivalent Types 1 and 3 oral polio vaccine (OPV) sa South Cotabato ang may kabug-usan nga 114,774.
