Ginpadal-an na sang notice sang Brgy. Bata ang mga naga-obstruct sa ila dalanon bilang preparasyon sa pagsugod na sang road clearing 2.0 sa Noviembre 16, 2020.
Suno kay Punong Barangay Lito Abaring, masobra sa 150 ang ginpadal-an sang notice sa diin iban sa mga ini ang sadto pa sa una nga hugnat sang road clearing kag nagbalik sa ginhawanan nga mga dalan.
Pila sa mga ini ang nahamtang sa Bangga Pepsi, Mara-Para kag Sawmill. Nahibaluan nga santo sa pinakaulihi nga mando sang Department of the Interior and Local Government (DILG) ang mga punong barangay na dapat ang mga pagpanguna sa road clearing 2.0 sa diin sa January 15, 2021 ang deadline kag ang mapaslawan magtuman sang mando ang magapangatubang sang administrative charges sa ahensiya.
[image: image.png]
