Target sang Department of Interior and Local Government ukon DILG region 6 nga madeklarar nga drug free ang kapin sa 2,100 ka mga barangay ukon katunga sang 4,050 ka mga barangays sa bug-os nga Western Visayas subong nga tuig 2018.
Suno kay DILG 6 Regional Director Anthony Nuyda nga mas maayo nga madeklarar nga drug free ang 2,100 ka barangay apang sang nakaligad Disyembre, kapin lamang sa 500 ka barangay sa rehiyon ang nadeklarar nga drug free.
Ini ginalakipan sang tanan nga kabarangayan sang banwa sang Maasin, 12 sa siyudad sang Iloilo, tanan nga barangay sang Sibunag, Guimaras kag pila ka barangay sa probinsya sang Iloilo.
Ginpahayag ni Nuyda nga ginmanduan ni DILG secretary Eduardo Año ang Philippine National Police , Philippine Drug Enforcement Ageny kag Local Government Units nga kumpletuhon ang mga requirements agud madeklarar ang ila mga barangay nga drug free.
