MOISES PADILLA, NEGROS OCCIDENTAL – ( LATEST UPDATE ) Nagdangat sa kapin 2 mil ka mga residente ang nag-evacuate bangud sa engkwentro sang tropa sang gobierno kag rebeldeng NPA nga nagsugod kahapon sang aga tubtub sang udto sa pila ka barangay sa banwa sang Moises Padilla.
Ang engkwentro ang natabu isa ka adlaw matapos nga ginpatay naman sang mga ginapatihan NPA si SB Jolomar Hilario sa Barangay Inolingan sa nasambit nga banwa.
Ang mga apektado nga residente bangud sa bakbakan ang naghalin sa Santos-Santos, Brgy. Quintin Remo, Sitio Lum-lom kag Cuyaoyao sakop sang Brgy. Inolingan.
Sandig sa pinaka-ulihi nga report sang 303rd Brigade kagab-i, ang total number sang mga naapektuhan nga pumuluyo nga yara sa Montilla covered court nagdangat sa 500, ang yara sa Mamballo covered court naglab-ot sa 800.
Kapin sa 240 naman ka mga individual sa Brgy. Guinpanaan ang nagpadulong sa ila mga himata, kag sang Municipal Auditorium naglab-ot sa 200 ka mga individual.
Samtang, pilason naman sa amo nga engkwentro Corporal Ryan Quevedo sa diin yara na ini sa hilway nga kondisyon.
Narecover naman sang tropa sang militar ang mga kagamitan sang rebeldeng hubon lakip na diri ang war materials, mga bala kag tatlo Improvised Explosive Device ukon IEDs nga ginapanag-iyahan sang NPA.
