Nagalab-ot sa 463, 675 ka mga kabataan edad 9 ka bulan tubtob 59 ang target sang Department of Health 12 sa ipatigayon nga isa ka bulan nga measles rubella supplemental immunization activity campaign nga magaumpisa sa Oktubre 26 tubtob Nobyembre 25 subong nga tuig.
Katuyuan sang nasambit nga aktibidad nga mapunggan ang outbreak sang nasambit nga balatian sa rehiyon kag bug-os nga pungsod.
Suno kay Arjohn Gangoso, Health Education and Promotion Officer sang DOH 12 ipatigayon ang measles rubella vaccination sa mga health centers ukon health facilities bilang fix post kag sa mga idesignar nga lugar nga mangin temporary post.
Ginkumpirmar ni Gangoso nga base sa ila datos halin Enero tubtob Oktubre 3 subong nga tuig yara na sa 411 ang kaso sang balatian nga tipdas kag 11 na ang narekord nga patay nga duha halin sa South Cotabato, 8 sa North Cotabato kag isa sa General Santos City.
May-angot sini, ginaawhag ni Gangoso ang mga ginikanan nga pabakunahan gid batok tipdas ang mga kabataan para sa dugang nga proteksyon batok sa nasambit nga balatian magluwas pa sa regular immunization.
