Careful sa Christmas gatherings

Davao City – Gidasig karon ni Davao City Association of Barangay Captains (ABC) President Edgar Ibuyan ang publiko nga ‘careful’ kun likayan lamang usa ang pagpahigayon og pampublikong tapok-tapok tungod sa nagpadayong hulga sa COVID-19.

Giagni ni Ibuyan ang tanan nga mag-igmat sa paglusad og mga kalihukan diha sa mga pampublikong lugar nunot niining walay kasegurohan nga kahimtang bunga sa pandemic.

Gisulti ni Ibuyan nga aron malikay ug masalbar ang kaugalingon gikan sa makamatay nga sakit, mas maayong wala una’y magpahigayon og aktibidad nga magkinahanglan og partisipasyon sa publiko.


Dugang ni Ibuyan nga mas maayong likayan usab ang Christmas Parties sa mga kumpaniya ug uban pang sektor sa katilingban karong December aron mapugngan ang takod.

Gidasig sa opisyal ang katawhan nga kon mag-selebrar sa umaabot nga Pasko, diha sa mga balay nila kini buhaton ug dili sa bisan asang dapit aron walay kahigayonan nga ang virus makatapot sa uban.

Hinoon, walay nakitang problema si Ibuyan sa balik-operasyon sa mga sinehan, tourist spots ug restaurants tungod sa health protocols nga istriktong ginapatuman sa ilang mga customer.

RadyoMaN Joel Viray

Facebook Comments