Nagalab-ot sa 538 ka mga pamilya sa banwa sang Tantangan kag Norala, South Cotabato ang apektado sang pagbaha tungod sa pagbubo sang mabaskog nga ulan sang gab-i sang Hunyo 11, 2021.
Suno kay OIC Provincial Disaster Risk Reduction and Management Action Officer Rolly Aquino, pipila sa mga apektado nga residente ang ginpabakwit, apang pipila sa mga ini ang gilayon man nga nagbalik sa tagsa ka panimalay sang nagtahaw ang baha.
Samtang, ginkumpirmar ni Aquino nga wala sang casualties sa nasambit nga pagbaha nga ang malala nga apektado ang Brgy. New Iloilo sa banwa sang Tantangan.
Pahayag niya nga tigayon naman nga naghatag sang ayuda ang local government unit sang Tantangan kag Norala sa mga apektado nga residente sang pagbaha kag nag-augment man ang provincial government.
Dugang man ni Aquino nga hugot nga ginapatuman ang minimum health standards sa mga evacuation center.
Padayon naman ang apela ni Aquino sa mga pumuluyo sa probinsya nga mangin alerto ilabi na sa subong nga panahon sang tig-ululan.
