Yara na sa masobra 79% sang 1,838 ka mga healthcare workers sang lima ka mga referral hospital sa probinsya sang South Cotabato ang nabakunahan na sang Sinovac vaccine base sa datos Provincial Epidemiology Surveillance Unit alas 6:00pm kahapon nga adlaw.
Samtang suno kay Genesis Navales, Immunization Program Coordinator sang Integrated Provincial Health Office sang South Cotabato yara lamang sa 6% ang narekord nila nga kaso sang adverse event following immunization nga lunsay naman suno pa nga mild ang nabatyagan sang mga nabakunahan.
Suno kay Maam Navales ang South Cotabato Provincial Hospital naman ang may mataas nga accomplishement nga yara sa 479 ang nabakunahan nga healthcare workers kag medical staff sini, Socsargen General Hospital may 83, Howard Hubbard Memorial Hospital – 234, Allah Valley Medical Specialist – 313 kag DAPMC -237.
Pahayag pa ni Navales nga may iban na nga referral hospital ang nagbalik sang ila nga logistics matapos na nadiffer ang pagbakuna sa iban nila nga staff matapos nga nakaduty kag nakaquarantine.
Nahibaluan nga bwas nga adlaw, Marso 14 matapos na ang vaccination sang first dose sang Sinovac vaccine sa mga healthcare workers sang mga referral hospital sa rehiyon.
