Masobra na sa 80 mil ka mga residente ang nakapa-register sa “BaCTrac Contact Tracing System” sang Bacolod. Sa interview sang DYHB kay Councilor Lady Gles Gonzales-Pallen, presidente sang Liga ng mga Barangay, gin-confirm sini nga 83,000 individuals na ang naka-register sa system kag may yara naman sang 2,400 ka mga establishments.
Gin-ako man sang konsehal nga down sa karun ang system bangud sang kadamuon sang nagapa-register gani ila ginatinguhaan nga mapaayo pa ini.
Samtang, ginapasalig sang konsehal nga indi anay magpanukot ang ciudad sa mga mapaslawan nga makapa-register. Nahibaluan nga si Pallen ang author sang City Ordinance No. 941, ukon “Covid-19 Contact Tracing System Ordinance of Bacolod City,” sa diin sa idalom sang Section 13, may multa nga P1,000 tubtob P5,000 kag posible pagkapriso sang indi magsobra sa anom ka bulan sa first, second, third kag succeeding offenses, para sa mga private establishments kag government offices nga indi mag-comply.
Pareho man nga penalidad ang ipatuman sa persona nga magagamit sang BaCTrac Card sang iban nga inbidwal sa pagsulod sini sa government building ukon business establishments sa ciudad.Nagpangayo man pasaylo ang opisyal sa nauna na nga mga pahayag nga mamultahan gilayon ang mga establishments nga indi makahingagaw pa-register.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
