Masobra 90% sang depasahero nga dyip nag-upod sa transport strike sa Bacolod

Bacolod City – Ginabulubanta nga naglab-ot sa masobra 90 porsiento nga naparalyze ang byahe sang mga pampubliko nga salakyan diri sa ciudad sang Bacolod angut sa ginpatigayon nga transport strike ukon untat byahe subong nga adlaw.

Ini ang ginpahayag sang Secretary General sang United Negros Drivers and Operators Center ukon UNDOC nga si Diego Malacad base sa ila assessment.


Wala nalab-ot ang sien porsiento nga paralisasyon sang byahe sa ciudad bangud nga wala nagpasakup diri ang isa pa ka transport group nga Sentro Samahan ng mga Tsuper at Operators Negros (SSTON) apesar nga nagasuporta sila sa kawsa sang iban nga grupo.


Angut sini, wala sang klase ang tanan nga unibersidad kag kolehiyo sa Bacolod, samtang, ang sa mga public schools naman kanselado ang klase sa tanan nga level.


Nagdamo naman ang mga private nga salakyan sa dalanon lakip man ang mga trisikol kag trisikad. 


image1.JPG

Facebook Comments