Posible nga mabuhinan pa ang 98,133 families nga nakabaton sang first tranche sang Social Amelioration Program (SAP) sa ikaduha nga hugnat sang tagtaganay sang ayuda sa ciudad sang Bacolod.
Ini ang ginalauman ni Pacita Tero, head sang Department of Social Services and Development (DSSD) samtang padayon nga nagahulat ang mga Bacolodnon sa pay-out sang second tranche sang SAP.
Sa interview sang DYHB kay Tero, padayon man sila nga nagahulat sang clean list sang mga beneficiaries sang second tranche bangud ginasala pa ini sang Department of Social Welfare and Development (DSWD) national office.
Suno kay Tero, posible mabuhinan ang 98,133 beneficiaries bangud sang validation sa diin kun ang iban nga benepisyaryo ang makit-an nga nakabaton man sang ayuda gikan sa iban nga ahensiya sang gobyerno, sila ang kakason sa listahan. Magluwas sa 98,133 may yara pa sang masobra 15 mil ka mga left outs nga ginapaabot nga mahatagan na sang ayuda sa second tranche sang SAP.
[image: image.png]
