Nakumpiskar sang mga otoridad ang masobra sa P1 million nga balor sang ginapatihan shabu sa tatlo ka mga lalaki lakip na ang isa ka barangay kagawad sa drug buy-bust operation nga ginpatigayon sang Philippine Drug Enforcement Agency – Special Enforcement Team (PDEA-SET) sa Buri Road, Barangay Mandalagan syudad sang Bacolod kahapon, Disyembre 3.
Ginkilala ang mga suspek nga sanday Michael Astorga, 32 anyos, isa ka Barangay Kagawad sang Barangay Zone 12-A syudad sang Talisay; Dino Dimson, 25 anyos, residente sang Barangay Granada, syudad sang Bacolod kag Cris Abelarde, 31 anyos, residente sang Barangay Mandalagan.
Una nga nadakpan ang kagawad kag natiempuhan nga yara man sa lugar si Dimson nga ginakabig nga high-value target.
Suno sa PDEA-SET, nagdangat sa P1,020,000 ang balor sang 150 grams sang shabu ang ila nga nakumpisar sa tatlo. Magluwas sa droga, nakuha man halin sa mga suspetsado ang kilohan, tooter kag iban pa nga drug paraphernalia.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
