Nagalab-ot sa masobra P26, 663,989 million ang gin-aprobahan sang mga katapo sang Sangguniang Panlalawigan nga re-alignment sang 5 % calamity fund sang nagligad nga tuig nga gamiton para sa disaster preparedness, recovery kag rehabilitation sang mga imprastruktura kapareho sang eskwelahan kag apektado nga pamilya sa South Cotabato sang magkasunod nga linog sang bulan nga Oktubre.
Lakip man dire ang P2 million nga ibakal sang food kag non-food items, shelter kit materials para sa mga apektado nga pamilya sang linog sa North Cotabato.
Nahibaluan nga ginbawi sang PDRRMC ang rekomendasyon sang state of calamity sa Sangguniang Panlalawigan tungod wala sang bastante nga basehan nga mapaidalom ang probinsya sa state of calamity epekto sang magkasunod nga linog sang bulan sang Oktubre amo nga ginpropose na lang ang re-alignment sang 5% calamity fund sang nagligad nga tuig nga wala nagamit.
May-angot sini, suno kay OIC PDRRMO Rolly Aquino nga gilayon nila nga iproseso ang bulig nga ihatag sa North Cotabato kag subong man ang mga kinahanglanon dire sa probinsya kabahin sang disaster preparedness ilabi na nga nakaeksperyensya na naman sang pag-uyog ang South Cotabato.
