Gindeklarar ang San Lorenzo Ruiz Child Development Center sang Brgy. Zone 1 Koronadal City nga Champion sa 21st Gawad KALASAG bilang Best Child Development Center sang National Disaster Risk Reduction and Management Council sa ginpatigayon nga awarding sa Philippine International Convention Center, Pasay City, Metro Manila.
Ginbaton mismo ni Shaun Pumaren, Early Childhood Care Development Worker sang San Lorenzo Ruiz Child Development Center ang plaque of recognition, trophy kag P300,000 cash incentives.
Ginkalipay ni Pumaren nga sa bilog nga Pilipinas sila nagdaug bisan first-timer nakuha nila ang nasambit nga prestiyoso nga award.
Ginpahayag niya nga madamo sila sang ginhimo nga inisyatibo para sa implementasyon sang disaster risk reduction and management lakip dire ang establishment of building materials recovery facility; pagpatigayon sang training and playground facilities nga nakasentro sa psychosocial and against fire; planting of herbal garden in the school background; transforming the school into a disaster risk reduction station; pag-istablisar sang quick response team nga ginaimbolberan sang mga volunteers, guardians kag ginikanan sang mga kabataan.
Aminado man siya nga indi basta-basta magmintinar sang pasilidad tungod sa magamay nga sweldo kag indi bastante nga financial support halin sa gobyerno.
Sa subong yara sa 60 ka mga kabataan edad tatlo tubtob apat ka tuig ang iya nga ginatudluan.
Ginpahayag niya nga ang nabaton nga cash incentives ang gamiton niya sa pagpaimprove sang pasilidad.
