Masskara Festival 2022 mangin “memorable, unique, exciting, entertaining”, suno kay Mayor Albee

27
Ginaplanuhan na sang City Government sang Bacolod ang labing-una nga paghiwat sang Masskara Festival sa idalom sang liderato ni Mayor Albee Benitez kag labing-una man humalin sang nagluntad ang COVID-19 pandemic.

Suno kay Mayor Benitez, mangin “something memorable, something unique, something exciting, something entertaining” ang Masskara Festival sini nga tuig apang nagpamalibad ini sa paghatag sang dugang nga detalye bangud suno sa iya, ini ang mangin surprise tubtob sa adlaw sang official launching sang kasadyahan.

Ginsugdan naman ni Mayor Albee ang pagpakig-angot sa iya mga abyan sa corporate world kag lunsay nagpasalig ang mga ini nga sila ang makigbahin sa selebrasyon.

Samtang, ginkumpirmar ni Benitez nga liwat magapatigayon sang Masskara Street and Arena Dance Competition apang pagatungaon sa cluster ang mga barangay agud indi matam-an ang mga ini sa kagastuhanan sa pagpasakop sa amo nga paindisanay.

Sa impormasyon nga nakalab-ot sa alkalde, may iban nga barangay nga nagagasto sang minilyon kag nagapangutang pa agud lamang mangin bongga ang ila entry sa dance competition. *Photo by Wikipedia

Facebook Comments