South Cotabato–Padayon pa gihapon ang manhunt operation sa kapulisan sakop sa Sto. Niño Municipal Police Station batok sa gunmen nga unang napasakaan ug kaso human ang pagpusil-patay kay Mayor Pablo Matinong milabayng Hulyo 10 ning kasamtangang tuig.
Sumala kang Police Col. Jemuel Siason, Provincial Director sa South Cotabato Provincial Police Office, nga ayha pa man nahitabo ang krimen, nauna ng gibutyag sa Mayor nga adunay duha katawo ang nangita kaniya rason nga personal grudge ang ilahang ginatan-aw nga motibo.
Higayon nga madakpan na ang usa sa mga identified nga suspek, ilaha nang masayran kung si kinsa ang utok sa maong krimen.
Sa pikas bahin, gi-klaro ni Police Col. Siason nga nagpabiling manageable ang peace and order situation sa probinsya sa South Cotabato.
Apan gi-angkon niya nga adunay mga impormasyon nga naka-abot kanila bahin sa presensya sa mga local threat group sama sa mga terorista ug uban pang organisadong grupo, kung asa monitored matud pa nila ang mga maong grupo rason nga dili makahimo ug kasamok sa probinsya gumikan na usab sa mas gipakusgang kampanya batok kriminalidad.(LVR)
