Nagsurender ag isa ka mataas nga lider sang NPA kag isa pa kaupod sini sa 7th Infantry (TAPAT) Battalion PA nga ginapamunuan ni Lieutenant Colonel Romel S. Valencia.
Ginkilala ang mga nagsurender nga miyembro sang NPA nga sanday Nelson Dulunan alias Jerick , lider sang Platoon West, Sub Regional Command-Musa, Far South Mindanao Region sang terorista nga NPA nga naga-organisa sa mga lugar sang Palimbang, Kalamansig kag Senator Ninoy Aquino ng Sultan Kudarat kag Arthur Dulunan Masot alias Boy.
Dala sang duha sa pagsurender ang caliber 30 M1 Garand Rifle kag 7.62mm M14 Rifle.
Sa pahayag ni Jerick, nagsurender ang mga ini tungod sa nagapadayon nga operasyon sang militar, wala sang makaon, ginatabog na sila sang komunidad kag handom nga makaupod ang iya pamilya.
Suno kay Lt/Col. Valencia nagapakita lamang nga epektibo ang Executive Order No. 70 ukon Whole of Nation Approach sang gobyerno tungod sa padayon nga pagsurender sang mga miyembro sang NPA.
Nagpasalamat man sya sa provincial government sang Sultan Kudarat nga padayon nga nagasuporta sa militar kag mga komunidad nga apektado sang terorista nga NPA.
Ginsiguro man ni Valencia nga tinguhaan nila nga maangkon ang katawhayan sa probinsya sang Sultan Kudarat paagi sa bulig sang mga nagkalain-lain nga ahensya sang gobyerno agud matuldukan ang problema sang insurhensiya.
