Davao City – Abrihan na sa publiko ang Mati beaches ug uban pang tourist attractions sa Mati City, Davao Oriental.
Gibutyag sa Department of Tourism (DOT) nga na-release na sa departamento ang 30 ‘certificates to operate’ sa mga resorts ug hotels sulod sa syudad sa Mati diin mamahimo nang mag-operate ang nahisgutan sa gikatakdang pag lift sa Modified General Community Quarantine (MGCQ) sa June 16, 2020.
Matud ni Dashiel Indelible Jr., Mati Tourism Officer, dili dungan nga mag-abri ang maong mga establisyemento diin kinahanglan niining ma-comply ang minimum health and safety requirements batok sa Coronavirus Disease 2019 (COVID-19) sa ginatawag nga new normal.
Naglaum ang opisyal nga maka-rekober ang local tourism industry gikan sa epekto sa COVID-19 pandemic.
Kahinumduman nga sa milabay nga mga bulan, gipailawom sa lockdown ang Mati borders ug bisan ang provincial borders tungod sa hulga sa COVID-19.
RadyoMaN Kirby Manzon
