Davao City – Aduna nay person of interest ang gina-imbestigahan karon ang Talomo PNP nga pagtook-patay sa usa ka babaye nga negosyante nga si Mercidita Estellore, 43-anyos, lumad nga taga Saranggani Province ug nag negosyo sa Lastima Compound, Matina ning siyudad.
Base sa pakighinabi sa usa sa mga trabahante sa maong lugar nga si alyas Jun, bandang alas-9:00 pasado sa kagabhion, Oktubre 10 ning bulana, nadunggan matud pa nila ang biktima nga nakalalis ang usa ka PUJ driver nga si alyas Jo.
Sumala pa nga buot manghiram og kwarta ang suspek apan gibalibaran kini sa biktima kay wala pa kini maka impas sa kanhing utang.
Sukad niadto wala na makagawas pa ang biktima ug sa milabay’ng adlaw nakaplagan na lang kining patay nga hiniktan ang tiil, kamot ug liog diin sumala pa sa taga SOCO nga gitook ang biktima nga miresulta sa iyang kamatayon.
Padayon pang gina-imbestigahan sa kapulisan ang maong suspek kun magtakdo ba kini sa fingerprint sa mga botelya nga nakuha sa crime scene nga gunit karon sa mga otoridad.
RadyoMaN Paul Canono
