Nakabsan sa kinabuhi kagahapon ang amahan sa Maute brothers kinsa maoy nangulo sa duguon nga pagpangatake nahitabo sa Marawi City tulo ka bulan na ang nakalabay.
Giila ang namatay nga si Cayamora Maute, amahan sa magsuon nga Maute kinsa nilusad og atake sa sentro nga bahin sa Marawi resulta ang gatosan ka mga napatay sa hut-ong sa kasundalohan ug sa mga terorista ug niguba sa mga propriedad sa maong dapit.
Si Cayamora unang gikataho nga nakasinati og hypertension ug kalisod sa paginhawa hinungdan nga siya gihatod sa Intensive Care Unit sa Camp Bagong Diwa apan didto na siya nabugtuan sa ginhawa sa Taguig Pateros District Hospital.
Kahinumduman nga nadakpan si Cayamora sa Task Force Davao checkpoint human gikataho nga dunay mga armadong tawo gikan sa Marawi musulod sa syudad sa Davao.
Sunod usab nga nadakpan ang kapikas sa kinabuhi ni Cayamora nga si Farhana Maute, inahan sa Maute brothers ug gituhoan nga maoy naga lihok alang sa pag likom og pondo nga gamiton sa teroristang grupo diha sa ilang mga kalihokan.
Kasamang June Duterte
