Walay bili ang resulta sa survey nga gihimo sa Kinaadman University Research Office o KURO.
Kini ang reaksyon ni kandidato pagka- mayor Pompee La Viña dihang gihinabi sa DXCC-RMN pinaagi ni Radyoman Rey Maraunay.
Taliwala sa 16 percent rate nga nakuha ni La Viña kumpara sa 61 percent nga naangkong rate ni Moreno, wala niini gibasol ang Xavier University kabahin sa resulta sa maong survey.
Apan dako ang pagtoo ni La Viña nga dunay nagpaluyo sa maong survey nga mga kaatbang ra niya sa politika.
Samtang, Gibutyag ni La Viña nga ang pinaka-importanteng survey mahitabo sa umaabot Mayo Trese, sa mismong adlaw sa piliay.
Dugang pa niini nga kada adlaw gabalhin-balhin ang hunahuna sa katawhan ug matag karon ug unya, posibleng lahi na sad ang ilang pillion nga kandidato.
Mas gitoohan usab niini ang survey nga gihimo sa SMSU Team diin miabot sa 60.4 percent ang rate nga iyang nakuha kumpara sa 34.8 percent rate nga nakuha ni Mayor Oscar Moreno.
