General Santos City—patay ang usa ka lalaking dunay deperensya sa panghuna-huna human gikulata sa suspetsado sa may Makar, Barangay Labangal Gensan.
Biktima giilang si Hobert Caminan, 40, residenti sa Purok Sa Roque, Barangay Labangal. Samtang Suspek sa krimen mao si Edward Reyes, legal age, residenti sa Purok bagong Silang, sa maong Barangay.
Alas 4:00 sa hapon kagahapong adlawa , nagdula ug billiard ang suspek sa may Makar, Barangay Labangal, nagsinamok matud pa ang nasangpit nga biktima hinungdan nga nasuko ang suspek ug iya kining gikulata.
Naigo sa pader ang ulo sa biktima dihang natumba kini mao nga nakaangkon ug dakong samad. Paspas nga misibat ang suspek sa wala sayring lugar, samtang ang biktima gidala sa ospital apan gideklara kining patay human sa pila ka oras. Sa karon ginapangita na sa kapulisan ang suspek ug ginahan-ay na usab ang kasong ipasang-at batok kaniya.
