BACOLOD CITY – Padayon pa karon nga ginahibalo ang identity sang isa ka lalaki nga nasapwan patay sa kilid sang isa ka kalan-an sa Manalo Street, Shopping, Bacolod City pasado las 7 sini gid lamang nga aga.
Ginpahayag nga ang bangkay sang amo nga lalaki ang nasapwan sang mga bystander nga naga-hayaon sa kilid sang isa ka Chinese restaurant sa Brgy. 17.
Base sa initial investigation, wala sang may nakita nga pilas sa bangkay sang biktima nga ginkilala gid lamang sang mga tawo sa area nga amo si Alyas Jun-jun.
Suno sa mga tawo sa palibot, ang biktima may diperensya sa pamensaron kag posible ini ang may balatian.
Ginkuha sang Abe Funeral Homes ang bangkay sang amo nga lalaki samtang ginahulat ang pamilya kag himata nga maga-claim sini./dyHB BACOLOD
