Magaselebrar sa prisohan sang Valentine’s day ang 19 anyos nga nobyo nga si alyas Toto matapos gintampa ang 18 anyos nga nobya nga si alyas Inday.
Base sa pagpangusisa sang Barotac Viejo PNP, naabtan ni Toto nga nagatext si Inday.
Bangud nagaduda si Toto nga may ginatext nga iban si Inday, ginpilit niya nga lantawon ang cellphone apang wala ginhatag ni Inday .
Ginapahayag nga nag-agaway ang duha tubtob naglumpiga si Inday samtang pilit nga ginaagaw ni Toto ang cellphone.
Bangud gintago ni Inday ang cellphone kag indi gid makuha ni Toto, iya gintampa ang nobya kon sa diin, nagpin-ot ang pagginhawa kag daw malipong si Inday rason nga gindala sa hospital.
Sang nahibaluan sang ginikanan ni Inday ang natabo sa ila anak, ila ginpapreso si Toto .
Ginpahayag sang nobyo nga palangga niya ang nobya apang aminado ini nga wala gid niya napunggan ang kaugalingon nga tampaon ang nobya bangud sa natabo.
Desidido ang pamilya ni Inday nga pasakaan sang kaso si Toto matapos ginsakit ang ila anak.
(photo from the web/ not the actual photo/ photo credit to the owner)
