Gindismiss sa serbisyo ang dugang nga lima ka police officers gikan sa Iloilo City Police Office (ICPO) bangud ginapahayag may kaangtanan ang mga ini sa illegal nga droga.
Ini amo sanday SPO1 Dante F. Sison, PO3 Alexis A. Jutis , PO2 Dinaree C. Sia, PO1 Milbert Niño kag PO1 Rodel A. Paulan.
Anay assigned sa City Anti-Illegal Drugs Special Operations task Group sang ICPO ang lima ka mga police officers.
Madumduman nga ginkonfirmar man kahapon ni NAPOLCOM-6 Director Atty. Joseph Celis nga gindismiss sa serbisyo ang duha ka police colonel kag isa ka police officer 1 nga ginkilala kanday Police Superintendent Ipil Dueñas, assigned sa Camp Crame, Quezon City kag anay Intelligence Officer sang Iloilo City Police Office (ICPO) , Police Superintendent Roderick Condag nga assigned sadto sa Iloilo Police Provincial Office (IPPO) kag si PO1 Richie Ruiz sang Aklan Police Station bangud sang ila kahilabtanan kag kapabayaan sa pag-away kontra illegal nga droga.
(photo from web)
