General Santos City—sikop sa operatiba sa Police Station 7 ang wanted nga dunay kasong Frustrated Murder atolo sa ilang gihimong operasyon sa may Prk. 13-B, Barangay Fatima Gensan alas 12:10 ang takna sa udto, Myerkules, June 28, 2017.
Suspek nga dinakpan nailhang si Joniel Maglasang Lantayona, 23, residenti sa susamang lugar.
Una nang nakadawat ug impormasyon ang Fatima Police Station nga anaa lang sa ilang panimalay ang suspek hinungdan nga gihimo ang operasyon nga miresulta sa pagkasikop kaniya pinaagi sa gahum sa warrant of Arrest sa Kasong Frustrated Murder.
Una nang gipagula ni Hon. Judge Jose Blanza sa RTC Branch 22 ang warrant of arrest sa kaso sa nahisgutan nga dunay criminal case no. 28900-17.
Sa kasamtangan commitment order nalang ang gipaabot aron mabalhin na sa silda sa Gensan City Reformatory Center ang nahisgutang suspek apan mamahimo niining maangkon ang temporaryong kagawasan higayon nga siya makapyansa ug P200,000.00.
