General Santos City—sikop ang usa ka batan-on nga nag atubang ug kasong lugos atol sa gihimong operasyon sa kapulisan sa Gensan.
Suspek giila nga si Jevan Imban, 20, residenti sa Barangay Kipalbig, Tampakan South Cotabato.
Subay sa report gikan sa Camp Fermin Lira nasayran nga alas 7:00 ang takna sa gabie, July 21, 2017, gihimo ang operasyon batok sa suspek sa kanto Daprosa St. ug Pendatun St. nga miresulta sa pagkasikop sa nahisgutan.
Nasayran nga gipasakaan ug kaso ang suspek sa pamilya sa uyab niini human nasayrang iya kining gihilabtan luyo nga sila nag eskwela pa.
Nakurat nalang usab ang suspek dihang siya gisikop tungod sa iyang pagkahibalo naareglo na ang kaso tungod nagpadayon man ang ilang relasyon sa iyang uyab. Gabi ilang sabot nga inig human nilag eskwela, sila mag minyo na.
Sa karon ang nahisgutan balhog sa silda sa Pendatun Police Station samtang mando nalang sa korte ang gihuwat sa kaso sa nahisgutan.
