DON SALVADOR BENEDICTO, NEGROS OCCIDENTAL – Padayon karon nga gina-bulong sa Regional Hospital ang isa ka pulis matapos nga gin-labo sang isa ka tawo nga may deperensa sang paminsaron sa banwa sang Don Salvador Benedicto.
Nag-angkon sang pilas sa tangkugo kag ti-il ang biktima nga nakilala kay SPO2 Alfredo Chavez sang DSB PNP nga amo naman ang nag-responder matapos nga may nagpangayo sang police assistance bangud nga nag-amok ang suspek nga si Danilo Loquero.
Una nagpangayo sang bulig si Jason Estimo, pastor sang Maranatha Church matapos nga indi na niya masaway si Loquero nga sa amo nga tion may ginabitbit nga espading.
Didto na kag nagpangayo sila sang police assistance sa diin lakip nga nag-responde si SPO2 Chavez.
Suno sa report, bangud nga indi na masarangan sang kapulisan ang pag-waras ni Loquero ila na lamang gin-tiro ini nga amo naman ang gintunaan sang iya kamatayon./dyHB BACOLOD
