General Santos City—Padayon pa karon nga ginaimbestigahan sa Polomolok Police Station ang matud pa kaso sa pagpanglugos nga nahitabo sa may utlanan sa Barangay Lumakil Polomolok South Cotabato.
Subay sa nahagpat nga report sa RMN Gensan nga niadtong milabayng adlawng Dominggo nadunggan sa pipila ka mga residente haduol sa maong Barangay ang siyagit og pagpangayog tabang sa usa ka babaye kauban ang duha ka mga kalalakinhan nga nakasakay sa motorsiklo sa ngingit nga dapit pipila ka metros ang gilay-on sa usa ka pribadong tulunghaan.
Sa pagresponde sa mga Barangay Tanod sa Lumakil og mga residente nakit-an sa lugar ang underwear sa usa ka babaye nga nabiyaan human mabulabog ang planong paglugos sa babaye.
Hangtod karon pakyas pang mailhan sa mga kapulisan partikularminte sa women’s and children’s desk sa Polomolok ang tinuod nga biktima tungod wala nay naabtan ang mga Barangay Tanod sa lugar gawas lamang sa na rescue nilang babaye nga si alyas Jinbel nga taga Polomolok usab nga wala sa maayung panimuot nga nagbaktas pipila ka metros ang gilay-on sa nahitabuan. (Emir Bariquit)
