Kagahapong adlawa (Mayo 11, 2022) giproklama ang kadaugan ni Baste Duterte sa Commisison on Elections (COMELEC) ilawom sa supervision sa City Board of Canvassers human kini nakakuha og 621,764 (89.29%) nga boto sa katawhan sa Davao.
Sa iyang mensahe pinaagi sa iyang Facebook page, grabe ang kalipay niini sa suporta kaniya sa Davaoeños ug gipasalig niini nga dili masayang ang ilang boto nga gihatag kaniya pinaagi sa maayo nga serbisyo nga iyang ihatag sa Davaoeños.
“Mga Dabawenyo, salamat kaayo sa inyong (pag)salig sa akoa. Salamat kaayo sa oportunidad nga gihatag ninyo. Ako pud, naay mahimo. Naa pud koy ma-amot sa atong syudad. Naay tulo ka tuig para mupakita ko’g resulta sa inyuha. Pahuman sa tulo ka tuig, kamo nalay bahala unsaon na ninyo. Ako, pasalamat lang gyud ko kaayo. Dili lalim nga ing’ana ka daghang tawo (nga) musalig sa imoha, musuporta sa imoha. Salamat gyud kaayo,” mensahe sa batang Duterte.
Niulan usab ang pagtimbaya sa Davaoeños ngadto sa bag-ong alkalde ug nanghinaut nga mapadayon ang mga maayong proyekto sa iyang igsoon nga si outgoing Davao City Mayor ug presumptive Vice President Sara Duterte-Carpio.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
