Mayor Bing nagpasalamat sa duha ka semana nga moratorium

12

Ginpasalamatan ni Bacolod City Mayor Evelio Leonardia ang National Task Force (NTF) Against COVID-19 sa pag-aprobar sa pangabay sang ciudad nga duha ka semana nga moratorium sa repatriation sang mga LSIs (locally stranded individuals) kag ROFs (returning overseas Filipinos).


Suno kay Leonardia iya gina-abi abi ang approval bangud makahatag ini sang ligwa kag panahon nga maka-ginhawa anay sa atubang sang padayon nga pagsaka sang kaso sang COVID-19 sa ciudad.

Nagapasalamat ang alkalde nga ang agresibo nga tikang sang ciudad sa nagkalain-lain nga grupo angut sa COVID-19 management ang may maayo nga resulta.

Madumduman nga si NTF chair Delfin Lorenzana pinaagi sa isa ka memorandum nga napetsahan August 7, 2020 nag-approve sa recommendation sang Regional Task Force (RTF) kag Regional Inter-Agency Task Force (RIATF) para sa isa ka14-day moratorium sa repatriation sang mga returning residents sa ciudad sang Bacolod.

Ang moratorium nagsugod sadtong August 8 kag magatakup sa August 21.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments