Mayor Cristina Romualdez, igindiwara an isyu nga mayada problema ha ira pag-upod nga mag-asawa

1058

TACLOBAN CITY – Igindiwara ni Incumbent Tacloban City Mayor Cristina Gonzalez-Romualdez an balita nga mayada problema ha pag-upod nira nga mag-asawa nga hi Alfred Romualdez.

Nagtikang an isyu ha blind item ha radio program nira Arnold Clavio ngan Ali Sotto ha DZBB dida han Oktubre 31 may paghisumpay han third party nga ansya iton problema nga gin-aagian han mag-asawa.

Usa ha mga clue an pauru-utro nga ring ha telepono.

An anay nga screen name ni Cristina nga Kring-Kring Gonzales.

Nahibaruan nga hira Cristina ngan Alfred an subject han blind item tungod han statement nga igingawas han alkalde ha iya social media account..

Sumala kan Cristina, politically motivated an mga akusasyon nga iginlalabay ha ira nga mag-asawa ngan magkakamayada sirot an nagkakalat hito nga balita.

Ha kadugangan han iya statement, 20 anyos na hira nga mag-asawa ni alfred ngan damo iton mga problema nga ira ginkaka-atubang pero ira ini nasusulosyunan.

Diri daw liwat nababaraka hi Alfred hini nga isyu ngan padayon nga magseserbe ngan madalagan pagka-Mayor han Tacloban City.

Facebook Comments