ILOILO City – Ginpasalig ni mayor Jose Espinosa III nga indi maapektuhan ang social services sang Iloilo city government bisan pa nga may gin-veto sya nga probisyon sang 2019 budget nga gin-aprubahan sang konseho.
Suno kay Espinosa halos pareho man lang ang 2018 budget sa 2019 budget.
Nahibaluan nga may 2.2 billion budget ang syudad sang 2018 samtang 2.3 billion naman subong nga 2019.
Ginhimo ni Espinosa ang pasalig matapos iya ginpabalik sa city council ang 2019 budget kaupod ang iya partial veto message.
Pahayag ni Espinosa, nangin rason sang iya pagveto amo ang paglapas sa poder sang konseho sang ginpasar nila ang budget ordinance kag ginmanduan ang opisina sang alkalde nga ang budghet lamang sa una nga anom ka bulan ang dapat nga gastuhon sang executive.
Para sa alkalde supak ini sa kasuguan gani iya ginveto.
Matandaan nga ginsiling ni committee on appropriations chairman councilor Plaridel Nava nga ginhimo niya ang pagtunga sang budget agud may mabilin nga pondo ang sin-o man nga magdaug sa 2019 elections.
Photo from web
