MAYOR GUIA PLAZA-SABANAL NAN SAN FRANCISCO, SURIGAO DEL NORTE TAGTAKDA NA MOAPELA KAN MAYOR TOMAS OSMENA NA DILI BAKWION AN PLANO SA DONASYON NA P2 MILYONES
Tagtakda moapela si Mayor Guia Plaza-Sabanal nan San Francisco, Surigao del Norte ngadto kan Mayor Tomas Osmena nan Cebu City na dili bakwion an plano sa donasyon na P2 milyones sa ila lungsod.
Sumaya pa niini, adton Oktubre 6 pa kuman tuiga, nagpasar na nan resolusyon an LGU nan San Francisco para sa pagpasalamat sa Cebu City sa ila donasyon ugani tagpaagi nija sa email an pagpadaya sa kopya sa amo na resolusyon. Nagtuo si Mayor Sabanal na miscommunication lamang an nahitabo, nagpaabot ra sila sa signal para sa ila pagkadto sa Cebu City para sa pagdawat sa donasyon.
Dugang pa niini, sa higayon na makabalik sija diri sa Pilipinas sunod semana gikan sa Bangkok,Thailand, mohimo sija nan koordinasyon kan Nigel Banacia na lumad na taga-San Francisco ug nanguyo sa Cebu City Disaster Risk Management Office para sa paghangyo ug rekonsiderasyon ngadto kan Mayor Osmena. Taglauman na nila na an amo na donasyon na ma-Turn Over sa San Francisco sa nagsingabot na Disyembre 3 atol unta sa ila kapistahan na kon diin an pondo an plano ipalit nan isa ka Ambulancia.
