Davao City – Gipakusgan ni Davao City Mayor Inday Sara Duterte Carpio ang kampanya sa pagbawal sa paggamit og mga disposable plastic items sama na lamang sa mga plastic cups.
Sukad niadtong nakabalayng semana gi-ban na sa City Government of Davao ang paggamit og mga plastic items atol sa mga meetings ug mga nagkadaiyang aktibidad aron makunhuran ang nagkadaghang ihap sa makolektang mga basura.
“Aduna tay campaign na ipa-reduce ang atoang non biodegradable waste, so tanan nga pwedi natong mahuna-hunaan to reduce our garbage, non biodegradable and biodegradable ato ng ginabuhat,” sumala sa mayor.
Gilaraw usab sa executive department nga muduso og resolusyon ngadto sa City Council aron muhimo og ordinansa sa pag-ban sa mga single-use plastics.
RadyoMaN Aimee Guinita
