General Santos City—Posibleng myembro sa usa ka organisadong grupo nga naga pangarnap ug motorsiklo ang tulo ka mga suspect nga silang Tungco Ali, Bagindali Ali ug Richard Sumalpong nga dinakpan sa Police Station 1 sa gihimo nilang sunod sunod nga operasyon niadtong milabay nga adlaw, human nangawat ug motorsiklo sa usa ka pulis.
Sumala pa ni Police Inspector Allan De Guzman ang Deputy Chief Of Police sa Police Station 1 nga basi matud pa sa ilang pamaagi sa pagpangarnap posibleng anad na ang mga nasangpit. Duda usab kini nga gawasnon pa ang leader sa mga nasangpit.
Sa gihimong imbistigasyon sa kapulisan ngadto sa mga dinakpan nasuta nga aduna pa silay mga kaubanan nga pabiling gawasnon sa kasamtangan.
Tungod niini naglusad na ug mas makuting imbistigasyon ang kapulisan aron ilhon ang uban pang kaubanan sa mga dinakpang suspetsado.
