Ginpasakaan sang kaso nga murder ang duha ka mga matag-as nga opisyal sang banwa sang Moises Padilla angut sa kamatayon sang lima ka mga tawo sa amo nga lugar.
Sa kopya sang mga dokumento nga ginpadala sa media, ginpasakaan sang kaso sanday Mayor Ella Garcia-Yulo, Vice Mayor Adrian Villaflor kag 19 ka iban pa.
Sandig sa dokumento, ang kaso ginpasaka nanday Ruby Caminade, Marilyn Bañares-Amable, Ma. Leny Ruales kag Agustin Grande III sang March 16, 2020 sa Office of the Provincial Prosecutor sang Negros Occidental kag ginbaton ni OIC Provincial Prosecutor Ma. Christy Uriarte.
Suno sa mga complainant ila ginpasaka ang kaso matapos nag-gwa ang pila ka mga witnesses nga may ihibalo angut sa pagpatay sa mga biktima nga sanday Rusty Caminade, Jose Joerito Amable, Michol June Ruales kag Magdaleno Grande.
[image: image.png]
