LA CASTELLANA, NEGROS OCCIDENTAL – (UPDATE) Ginapasalig karon ni La Castellana Mayor Rhumayla Nicor Mangilimutan, ang safety ni Moises Padilla Vice Mayor Ella-Garcia Yulo kag sang iya bana nga si Felix Mathias Yulo.
Ini matapos nga gin-grant sang korte ang request sang bise alkalde nga sa La Castellana Municipal Police Station lang ini mapa-custody.
Si Garcia-Yulo kag ang iya bana ang nag-surrender kahapon sang aga kay PNP Western Visayas Regional Director P/Csupt. John Bulalacao sa BCPO headquarters matapos gindagdagan sang warrant of arrest sa kaso nga Illegal Possession of Explosives kag Firearms.
Gilayon nga gindala ang mag-asawa sa La Carlota agud didto i-remit kasunod nga ang RTC La Carlota amo ang nag-issue sang warrant of arrest apang nagpangabay ang bise alkalde nga sa La Castellana PNP lang ini ibutang.
Suno kay Mayor Mangilimutan, nga iya ginapasiguro ang safety sang mag-asawa sa diin gin-butang ini sila bakante nga selda sang amo nga police station.
Dugang pa sang alkalde nga nag-request man sila sang dugang nga police gikan sa Regional Director agud nga mag-secure kay Garcia kag sa iya bana./dyHB BACOLOD
