Mapasalamaton si Mayor Oscar Moreno sa kooperasyon sa katawhan aron nga mahimong malamposon ang kasaulogan sa kapistahan ning dakyaban.
Matud sa mayor nga usa ka sensitibo ug komplikado nga isyu ang seguridad hinungdan nga na sakripisyo ang inconvenient sa katawhan, ilabina dihang gipalong na ang signal sa mga cell sites.
Nasayran nga gitun-an pagmaayo ni Mayor Moreno ang rekomendasyon gikan sa security personnel nga maoy nag sugyot nga i-block ang signal atol sa mga aktibidad sa syudad alang sa kasaulogan sa kapistahan.
Tungod niini, gi-activate sa mayor ang Task Force Higalaay nga maoy mitutok sa seguridad.
Pinaagi niini, dunay collaboration ang mga hingtungdan ahensya sa pagpatuman sa seguridad ingon man lakip sa gituki sa pag signal off sa mga cell sites, partikular ang coverage niini ug oras sa pagpatuman. Lakip sa gidayeg sa mayor ang pagpakatag sa guidelines ngadto sa publiko nga pagdili sa pagsuot og kalo, pagbitbit og back pack ug pagsuot sa sunglasses.
