Mapasalamaton si Mayor Oscar Moreno sa katawhan ning dakbayan gumikan sa ilang gihatag nga pagsalig.
Busa mas palapdan pa nila ang ilang paghatag serbisyo, human usab kini gisuportahan ug gibotaran sa katawhan ning syudad.
Gipahayag sa mayor nga bisan kung managlahi ang kolor sa politika, apan angayan gihapong respetuhon ang mandatos sa katawhan ug dawaton nga sa eleksyon adunay modaug ug mapildi.
Tungod niini, iyang gi-aghat ang tanang mananaog nga kandidato nga mahimong manggihatagon ug mapaubsaon, ilabina sa pag-angkon sa ilang kadaugan ug sa mga napildi gihangyo niini nga angayang dawaton ang kamatuoran.
Kini gumikan kay ang eleksyon adunay kadaugan ug kapildihan, bisan pa man nasayod ang tanan nga sakit kini alang sa kandidato nga napildi sa maong piliay.
