By: Joanna Ricote
Nagtanyag og ganti nga 1ka milyon ka pesos si Mayor Oscar Moreno, alang sa makatumbok sa suspect sa pagpatay kang USTP President. Dr. Ricardo Ric Rotoras.
Gihimo ni Mayor Moreno ang pahayag atol sa induction of officer sa Kapisanan ng mga Broadcaster ng Pilipinas.
Matud ni Mayor Moreno, nga dili kini makatuo sa nahitabong pagpusil patay kay Dr. Rotoras, sulod mismo sa subdivision kung asa kini nagpuyo.
Dugang pa sa Mayor nga naila niya nga maayong higala si Dr. Rotoras, hinungdan nga nagpakitabang na usab kini kang Department of Justice Sec. Vitallano Aguirre ug National Bureau of Investigation alang sa paspas nga kasulbaran sa maong kaso.
Mahinumduman nga niadtong December 2, bandang ala 1 ang takna sa kadlawon, dihang gipusil patay sulod sa iyang gipuy-an nga subdivision si Dr. Rotoras sa wala maila nga mga responsable.
