Halos makatulo ang luha nila ni Mayor Oscar Moreno, Engineer Rolando Pacuribot, ug Elsie Lopoy, sa press Conference sa City hall kaganihang udto tungod sa pagbasura sa Court of appeals sa ilang 24 ka kasong administratibo nga gipasaka sa Ombudsman sa issue sa heavy equipment rental sa kapitolyo niadtong panahon nga gobernador si Moreno sa Misamis Oriental.
Matud ni Moreno nga ang desisyon sa Court of Appeals, iyang giila nga labing importante sa ilang journey isip pubic officials.
“Pasalamat ako niini, I beyond words. Nothing is greater perhaps nothing is sweeter than being vindicated no, specially if the vindication pertains to extreme of kanang ah design and pre-meditated accusations, involving various personalities. So here we are, ah, with this decision of court of appeals, we are double inspired, and double committed. And This is very very timely specially as we are about to begin with our third and final term as mayor of Cagayan de Oro City.
Gipasalamatan usab ni Moreno ang iyang Chief Legal Counsel nga si Atty. Dale Bryan Mordeno ug ang iyang entire legal team.
Lakip sa nagpasalamat si Engineer Pacuribot nga mitambong usab sa maong presscon sa city hall.
Matud ni Pacuribot nga tungod sa maong kaso, daghang gabie nga dili siya halos makatulog.
“Daghang gabi-e nga ako nang gibalon sa akong pagka tulog at least karon makatulog nako nga maghagok.” Matud ni Pacuribot
Gi-angkon ni Pacuribot nga mibati siyag kabalaka sa maong kaso kay kon wala kini ma-dismiss, madalahig ug masayang ang iyang 36 ka tuig nga pagserbisyo sa gobyerno nga dili niya makuha ang iyang gipa-abot nga benepisyo.
“Ti-aw moy 36 years in government service, unya masayang lang” matud ni Pacuribot.
Matud ni Pacuribot nga human iyang nasayran nga nadismiss ang maong kaso, iyang gibati ang iyang walay sukod nga kalipay.
Si Elsie Lopoy nga kanhi hepe sa General Services office sa kapitolyo kaniadto ug karon Barangay Kagawad sa Lapasan, mi-ingon nga ang maong kaso naka-apekto sa iyang dungog isip barangay official sa Lapasan.
Sama ni Pacuribot, gipahayag ni Lopoy nga iyang matulgan ug mamat-an panahon sa gabi-e ang maong kaso samtang tua pa kini sa Court of appeals.
Salamat sa Diyos kay karon makatulog na gyud ko nga magdamgo, dili sama sa una nga maoy akong matulgan ug mamat-an ang maong kaso” matud ni Lopoy.
Sa ilang kabahin.
Gipahayag ni Atty. Dale Bryan Mordeno nga iya usab nga gikalipay ang pagka dismiss sa maong kaso.
“Sama sa gi-ingon ni Mayor oca, nothing compares to a feeling being the lawyer representing him in this cases. Feeling of relief and unloading of borden kay isip iyang abogado, dili gyud malikayan nga kining mga kaso nga ingon ani, morag nay tunok imong dughan ba kay simbako unsay dangtan ug dili lang ta gusto nga ma hamper ang panerbisyo ni Mayor Moreno sa atong syudad” matud ni Mordeno.
Matud ni Mordeno nga tungod kay nadismiss na ang maong kaso, iya kining gamiton, silbing dugang rason aron iyang ipa-dismiss sa Sandiganbayan ang 22 ka mga kasong Criminal nga naghisgot gihapon sa equipment rental sa kapitolyo.
Gibutyag ni Mordeno nga ang mga administrative decision, dunay “Persuasive effect” sa kasong Criminal nga naghisgot sa pahero nga issue.
Matud ni Mordeno nga ang desisyon sa Court of appeals, nagbasi gayud sa merit sa maong kaso dili sa technical aspect.
Kay matud ni Mordeno nga nagsulti ang Court of Appeals nga walay ebedensiya ang mga sumbong sa Ombudsman batok ni Moreno ug mga kauban
“So maayo kaayo ang decision nga kay nag touch gyud siya sa evidence, so kadtong mi-ingon ang Ombudsman nga guilty ang atong mayor sa serious dishonesty, grave misconduct, mi-ingon ang court of appeals nga there is no substantial evidence” matud ni Mordeno.
