Nag-una si Mayor Oscar Moreno, ang tree Planting sa City Local Environment and natural Resources office, didto mismo sa Old Dump site sa Upper Dagong Carmen ning syudad sa Cagayan de Oro, alas 7:00 sa buntag, kagahapong adlawa atol sa Valentines Day.
Kini nga tree Planting activity atol sa ika -18 ka tuig nga anniversary sa CLENRO kagahapon, , nga dunay Theme: “18th years of Loving and Nurturing as steward of GOD’s creation”
Matud ni Moreno, nga ang maong tree planting, ilang gihimo sa Old open dump site, sabay sa damgo sa iyang administration, nga ang kara-ang lugar sa basurahan ning syudad, , mahimo kining “City Park” Parke sa Cagayan de Oro, sa umaabot nga mga panahon.
Matud sa Mayor, nga ang paghimog Parke sa old Open Dump site sa Upper Carmen, dili sayon, labi pa niadtong panahon, nga wala mosuporta kaniya ang kanhi City Council niadtong iyang unang termino sa pagka Mayor sa Cagayan de Oro.
Apan matud ni Moreno, nga tungod kay ang City Council karon, ubos ni Vice Mayor Rainier Joaquin Uy, misuporta na sa iyang mga programa, iya nang nakita sa uma-abot nga mga adlaw, kon unsa kamatahom tan-awon ang da-ang basurahan sa Cagayan de Oro.
Matud ni Moreno nga dakong Garbo alang sa mga official ug mga kawani sa Clenro, nga lakip sila sa walay kamatayon nga sugilanon, nga oras nga motobo na ang ilang gitanom nga kahoy kagahapon, kansang mga kahoy, ilang gila-oman nga ma-oy mopabalik sa mabugnaw ug maanindot nga kinaiyahan, sa kanhi basurahan ning syudad.
Nasayran nga sa wala pa mobiya sa Mayor Moreno sa Old dump site, iya una nga gitanom ang usa ka binhi sa kahoy nga Nara, uban ni Councilor Maria Lourdes Gaane, ug uban pang mga official sa Cagayan de Oro, pulis, media ug uban pang mga tawo, nga nahigugma sa pagbuhi pagbalik sa patay nga kinaiyahan gikan sa kara-an nga basurahan.
By; Radyoman Nitz Arancon
