General Santos City–Nauyunan na sa City-IATF ang pagtanggal sa Sunday No Movement kung asa subay sa nasabutan uwaheng Dominggo ang Nobyembre 29.
Sumala kang Gensan City Mayor Ronnel Rivera nga takda pa silang magpahigayon ug meeting sa Disyembre 1 aron nga i-finalize ang maong lakang.
Apan gibutyag sa Mayor nga mas natutukan matud pa sa ilahang meeting mao ang implementasyon sa QR Code sa dakbayan.
Dugang pamahayag ni Mayor Rivera nga nahisgutan na nila ang kabahin sa planong temporaryong pag-ban sa mga LSI panahon Holiday Season o sa bulan sa Disyembre.
Apan usa matud pa sa mga concern sa ubang probinsya, mao ang airport nga nahimiutang sa dakbayan sa Gensan. Higayon nga iptuman sa syudad ang temporaryong pag-ban sa mga byahe sa LSI pasulod sa dakbayan, maapektuhan usab ang mga LSI nga mouli sa mga kasikbit nga probinsya.
Pagpaklaro niya nga tumong sa planong temporaryong pag-ban sa mga LSI panahon sa holiday season aron nga mas ma-awhag ang mga LSI nga mouli sa mas sayo nga panahon aron dili maabtan ug pasko ug bag-ong tuig sa mga quarantine facility.
Kalabot niini, gibutyag ni Mayor Rivera nga nakatakda pa silang magpahigayon ug panagpulong uban ang ubang LGU sa Rehiyon 12.
Apan giklaro niya nga unsa mang ang mamahimong desisyon sa local IATF, ilaha pa kining i-presenta sa Regional Inter-Agency Task Force.
Samtang unsa matud pa nga mga aksyon ug lakang ang ilahang masabutan ug ma-aprubahan sa Regional, kinahanglan usab nga mangayo ug approval sa National Inter-Agency Task Force.(CDS)
