General Santos City–Posible nga mapasakaan ug tukmang kaso ang mga tawo nga miguba sa balay ug mikuha sa mga gamit sa usa ka Jun Sanchez ang gika-ingong tagdumala sa NMC trading kung sila ma-identify, mao kini ang nahimong pagbutyag ni Police Major Benjur Catcatan, Hepe sa Police Station 3.
Sumala pa ni Major Catcatan nga supak matud pa sa balaud ang gibuhat sa mga investor sa NMC Trading nga pagguba ug pagransack sa balay tungod aduna matud pay proseso ang pagsingil unta sa mga imvestor sa ilang kwarta ngadto sa NMC inay nga gub-on ug kuhaon ang mga gamit sa founder niini.
Dugang pa ni Catcatan nga kung mahidangat sa ilang buhatan si Jun Sanchez aron ireklamo ang mga tawong miguba sa iyang balay, posibleng sila makasuhan.
Samtang gikabutyag usab ni Major Catcatan nga ang maong balay ang subra na duha ka bulan nga gi-abandona sa nanag-ya niini ayha kini gisulong sa mga tao ug wala na kaayoāy gamit nga nahibilin human nga gipanghakot na sa nanag-iya niini.(Dave Silagan)
