General Santos City— Gikondina ni Gensan City Mayor Ronnel Rivera ang mga nahitabong pagpamusil-patay sa dakbayan kung asa sulod lang sa usa ka bulan 16 na ang naitalang biktima ug 12 niini ang patay.
Sumala niya nga iyaha ng gihatagan ug direktiba ang kapulisna lakip ang Joint Task Force Gensan nga hatagan gyud ug kasulbaran ang maong matang sa krimen.
Kung asa gihingusgan nini nga luyo pa man sa mga kasong gikalambigitan sa mga biktima, wala matud pay katungod ang mga kriminal nga mupatay.
Dako man usab ang panghinaut ni Mayor Rivera nga masulbad sa otoridad ang maong mga kaso ug mahatagan ug hustisya ang mga biktima.
Lakip usab sa gilauman sa Mayor nga sa musunod nga mga adlaw, aduna nay update sa mga kaso sa patay sa dakbayan dungan sa pagdawat sa kapulisan sa iyahang hagit.
