General Santos City–Gipaklaro ni Gensan City Mayor Ronnel Rivera nga nagpabilin ang iyahang taas nga respeto ug pagsalig sa Philippine Drug Enforcement Agency, Regional Office -12 luyo paman sa pagkwestyon niini sa gihimong operasyon sa nasangpit nga ahensya batok kang Barangay Tambler kapitan Abdul Wahid Bualan niadtong milabay nga simana.
Sumala pa ni Mayor Rivera nga sa karon nagpadayon ang ilang pakig-alayon sa nasangpit nga ahensya aron usab sa padayong kampanya batok iligal nga droga alang sa mas luwas ug hapsay nga syudad.
Dili ikalilong nga usa sa mga hinungdan sa mga krimen mao ang druga.
Sa karon ginasuta pa ni Mayor Rivera kung unsa gyud ang nahitabo sa maong operasyon aron usab maklarohan ang tanan. Una nang gikakurat ni Mayor Rivera ang pagdakop kang kapitan Bualan tungod sumala pa wala may niabot nga impormasyon kaniya nga lambigit sa droga ang nasampit nga kapitan. (Dave Silagan)
