New Washington, Aklan — Uwa eon makaabot nga buhi sa Aklan Provincial Hospital rong sangka 9-anyos nga ungang babaye matapos nga maeomos sa baybayon it Brgy. Mabilo, New Washington, Aklan.
Ro biktima nakilaea kay Clarise Timbas y Dalida, residente it Brgy. Andagao, Kalibo, Aklan.
Nasayuran nga nagpatigayon it outing rong magpamilya pero nauli raya sa trahedya kung sa siin samtang nagapaligos ro biktima ag anang mga ingkampod, napan-uhan eon lang raya ag si Abril nga uwa eon.
Ko ulihi nakita eon lang ro biktima nga gin-anod it mabaskog nga baeod ag sa mayad nga swerte hay naka eowas mat-a ro anang ingkampod.
nsigida man nga naka responde rong mga taga PDRRMO ag MDRRMO ag gin taw-an it first aid rong biktima nga insigida man gin daea sa hospital pero gin deklara nga dead on arrival.
