General Santos City–Naghatag ug pagpaklaro si Gensan City Mayor Ronnel Rivera kalabutan sa issue sa GenSan Kumunidad kontra Kobid kon GKKK. Sumala pa sa Mayor nga ang Gensan Kumunidad Kontra Covid usa ka programa gikan sa nasyonal ug Congressional ang pundo nga gigamit niini alayon sa Programang Assistance In Times of Crisis.
Kini alang matud pa sa katawhan nga naapektuhan sa pandemya sa Covid-19. Dugang pa ni Mayor Rivera nga mokabat sa 20 milyones ka pesos ang gihatag nga pundo sa Congressional office ngadto na sa Gensan nga maoy ipanghatag sa mga binipisyaryo.
Dugang pa sa Mayor nga ilang gidali ang pagpang-apod apod sa maong binipisyo gumikan nagdali na ang DSWD-Region-12 nga ma-liquidate ang pundo.
Gibutyag usab ni Mayor Rivera nga ang GKKK ang dili sama sa SAP kon Social Amelioration Program nga may gipagula nga guidelines sa pagpanghatag ingon man sa mga makabinipisyo.
Saysay niya nga ramdom ang pagpili sa mg mkadawat ug tag 1, 200 pesos para GKKK ug kini ang gipaagi sa Integrated Barangay Affairs.
Pag-angkon niya nga wala na nila kini giagi pa sa barangay tungod posible nga makahatag lang kini ug gubot gumikan dili man tanan mahatagan.
