General Santos City— Gipaklaro ni Gensan City Mayor Ronnel Rivera nga sila sa lokal nga panggamhanan ang ginahimo ang tanan aron nga mahimong luwas batok sa unsa mang teroristang aktibidad ang dakbayan.
Apan iyahahg gibutyag nga ilaha gyud nga gikinahanglan ang tabang sa katawhan aron nga mahimo ug sakto ang ilahang trabaho uban ang kapulisan ug militar.
Sumala niya nga dakong tabang alang sa otoridad ang tabang gikan sa katawhan pinaagi sa paghatag ug impormasyon.
Dugang pamahayag ni Mayor Rivera nga sa nahitabo sa Isulan, posible matud pa nga adunay pagkulang sa kabahin sa kapulisan pinaagi sa pagpakusog sa ilahang intelligence monitoring.
Samtang gibutyag niini nga gawas sa kapulisan, posibleng wala usab nagpakabana ang mga residente sa lugar pinaagi sa paghatag ug impormasyon.
Sumala ni Mayor Rivera ang maong mga insidente sa Isulan ang dili gyud alayon sa programa sa presidente rason nga dunay ginapatuman nga martial law sa mindanao.
Kalabot niin, gibutyyag ni Mayor Rivera nga nakig-pulong na siya kay Col. Adonis Bajao, labaw sa JTF Gensan ug PSSUPT. RaulSsupiter, city director sa GSCPO.
Tumong niini aron nga maka-mugna ug stratehiya kung unsaon sa pag-protekta sa dakbayan batok sa unsa mang bahad sa siguridad.
Apan gipakalro niya nga bisan pa man ug wala pa natigayon ang mga pagpamomba sa kasikbit nga mga lugar, wala na sila naga-kumpyansa sa siguridad ug nagpabilin man nga hugot ang siguridad sa dakbayan.
